匿名使用者
匿名使用者 發問時間: 商業與財經工作與就業其他:工作與就業 · 1 0 年前

愛迪生的一些問題我需要解答!!!!!!!!!

因為我要做報告所以需要你們幫我回答!!!!!!!

Q.1 愛迪生的出生年月日?

Q.2 愛迪生的家庭背景?

Q.3 愛迪生的學歷?

Q.4 愛迪生的創造過程還有創造出來的的物品?

( EX: 資本額 員工數 產品 )

Q.5 創業瓶頸或失敗?

( EX: 含銷售不佳 罷工 缺乏資金 )

Q.6 創業成功因素?

Q.7 對未來展望?

拜託都告訴我吧~~~~~~~~

1 個解答

評分
  • 1 0 年前
    最佳解答

    出生日期~去世日期

    (2)出生地點

    愛迪生,全名湯馬士‧艾花‧愛迪生(Thomas Alva Edison,1847年2月11號—1931年10月18號)係美國嘅發明家;佢嘅發明不計其數,而其中一個偉大嘅發明,就係電燈膽。

    內容簡介[家庭背景]

    踏上發明之路 [編輯]

    愛迪生嘅第一件專利產品雖然唔實用,但係喺1869年嘅一月,電信新聞就刊登咗「愛迪生成為發明家」嘅消息。

    愛迪生離開咗波士頓去咗紐約,不過初初去到搵唔到佢嘅朋友,於是喺街度流浪咗幾日,最後俾佢搵到一個電氣廠嘅地下室做暫時棲身嘅地方。三日之後嘅一晚,愛迪生瞓瞓吓聽到上面工廠突然發出好大嘅燥音,於是八卦上去睇吓,原來係有部大型機器壞咗,佢見到成班人流哂汗咁喺度整緊就自動請纓幫手,憑住佢對機器嘅知識,佢好快就發現原來有一條彈弓跌咗落堆齒輪中間卡住;廠長同意愛迪生係有啲料子,於是提出俾月薪300元美金請佢做技師,佢嘅生活得到改善之餘,仲認識咗同樣係技師嘅另一個重要朋友---富蘭克林.利安納特.波布(Franklin Leonard Pope),而據聞哩份工都係由波布大力推舉先成事。冇幾耐之後,喺1869年9月24日紐約發生金價大暴漲,佢哋做嘅哩間公司因為支持唔住而俾財團收購,於是兩個人決定自己創業。

    開合資公司及工廠 [編輯]

    愛迪生同波布搵多個合伙人一齊開咗間電氣公司,專門處理關於電氣嘅問題,而且生意唔錯,一路都有好多人嚟搵佢哋做顧問,而愛迪生一邊照顧客戶亦一邊自己進行研究,繼續為佢嘅發明申請專利,而佢哩段時期嘅發明多數係用喺商業之上,例如黃金報價機、股市行情機…等。

    阿媽嘅死 [編輯]

    喺愛迪生同人合資開工廠嘅期間,喺1871年嘅某一日,佢老豆傳嚟電報話佢媽媽因為急病唔掂,點知趕到返去密茲根嘅時候佢媽媽---南西.愛迪生己經等唔到見佢個仔最後一眼就死咗;據聞話愛迪生一見到已經唔再郁唔再同佢講嘢嘅媽媽嘅時候,伏咗喺媽媽屍體嘅床邊喊咗足足一晚都唔肯停。

    後來佢回憶話:「如果當初冇媽媽一路嘅悉心教導,就唔會有今日嘅愛迪生;每當我諗起哩一點,我就盡辦法唔令佢失望。」

    他一生中,哪一種研究精神最令人佩服?請舉例子說明

    電燈 [編輯]

    自從喺1801年,一個叫大衛嘅英國科學家發現用電流通過白金嚟發光嘅現象之後,於是就有好多人開始研究電燈,但一直成效唔大。

    1879年,愛迪生亦都著手參與電燈嘅發明,仲承諾用六個禮拜時間去完成哩個「黑暗中嘅太陽」;當時普遍嘅人都只係用煤氣燈、手提油燈或者孤光燈嚟照明。

    愛迪生將處理過嘅細絲連喺玻璃球入面嘅兩極線之上,再進行抽真空,但係通電之後所發光嘅效果維持唔到好耐,條細絲會因為加電壓或者抵受唔住高溫而燒斷;之後佢用咗過千種嘅材料加工嚟做燈膽入面燃燒嘅細絲,就連頭髮鬍鬚都用過,期間都諗過用白金嚟做材料,但因為考慮到成本問題,佢明白如果太貴嘅話跟本唔會普及,只會淪為實驗嘅玩具,於是實驗一路都冇乜進展,瀕臨放棄邊緣……。喺佢對外公佈限期前嘅冇幾耐,愛迪生喺沉思之中忽然俾佢見到之前用剩嘅綿線材料,於是靈機一觸,將炭混入去綿線度,再經焗處理做成炭絲,作為發熱發光嘅燈絲。

    圖片參考:http://upload.wikimedia.org/wikipedia/commons/thum...

    圖片參考:http://zh-yue.wikipedia.org/skins-1.5/common/image...

    愛迪生第一個公開展示嘅電燈膽

    1879年10月21日,當期時已經有新聞記者喺研究所門外守住等消息,而愛迪生亦信心十足咁招開咗即時嘅小型記者招待會。一大班人圍喺實驗室入面議論紛紛,愛迪生叫咗一聲通電之後,用加工綿線做炭絲嘅電燈膽足足長照咗四十個鐘頭,燈光仲比起一貫用開嘅所有照明工具猛烈好多倍;哩個時候開始,電燈就正式取代咗孤光燈,成為日常嘅照明工具。

    不過愛迪生仍然唔滿足,於是繼續搵材料嚟研究點樣改善延長燈絲嘅燃燒時間,最後俾佢發現,用竹片混合煤炭粒同瀝青加工嚟做燈絲;1880年,愛迪生終於發表可以維持一千兩百幾個鐘頭嘅電燈膽,比起用綿線加工嘅燈膽價錢更平,而且更耐用。佢為咗可以同時間可以用上好多好多個燈膽,愛迪生仲著手研究發電機、插頭、開關系統同埋灰士(保險絲)嘅發明。1881年,愛迪生舉行亮燈大會,將好多組嘅燈膽一齊開著,哩單新聞即時轟動全世界,同年仲喺巴黎博覽會上面得到第一個國際獎項。當時嘅愛迪生係三十四歲。

    PS:愛迪生是經過99次既失敗,係第一百次先成功發明電燈

    參考資料: 以上提供作參考
還有問題?馬上發問,尋求解答。