匿名使用者
匿名使用者 發問時間: 社會與文化語言 · 9 年前

閩南語競賽

請問誰有

甘願做牛1 蘇世雄

孤影2 陳怡伶

這兩篇閩南語競賽文章的聲音檔

急需~拜託了!!!

1 個解答

評分
  • 9 年前
    最佳解答

    足下網安:※※【台語朗讀】(一)本人去年曾指導過學生朗讀,有一篇你需要的語音檔,提供讓你參考。(1)《孤影2》(第22篇)http://www.youtube.com/watch?v=Yg5g4IhqZPk

    Youtube thumbnail

    (99年度高中組第1名、第3名)(2)第1名講的是「海口腔」。第3名講的是「普通腔」。22 孤影2 陳怡伶[(Tân Î-lîng )]我知影阿媽猶是毋甘離開遮,佇這个所在,有傷濟伊佮阿公的過去。我嘛知影,我佇臺南定定想起阿媽,嘛定定煩惱--伊,但是煞干焦會當佇半暝,偷偷仔覕佇棉襀(tsioh)被內底哭。今仔日的海水是深藍色的,海湧嘛比平常時閣較大。我坐佇駁岸(poh-huānn)頂感覺著規个人敢若綴海湧咧浮沉,若親像阿媽佇我心海內底浮沉仝款。我每禮拜攏會轉去高雄看阿媽,因為我想欲加陪--伊,加佮伊做伴。我毋知影未來的日子猶有偌濟時間會當陪佇伊的身軀邊,我只是想欲盡我所有的能力陪伴--伊。毋過,我知影阿媽伊猶是寂寞[(tsi̍k-bo̍k)]、伊猶是孤單,因為阿公的位置是無人會當代替--的。猶會記得有一擺,當我轉來到庄跤,一踏入門,就看見阿媽坐佇搖椅頂面,手--裡提著阿公的相片,恬恬仔流目屎。我徛佇遐無法度振[(tín)]動,鼻仔一直酸--起來,一直無法度講出話。黃黃的電火光線有淡薄仔鑿目,照佇阿媽的身軀頂,照佇塗跤頂的影像有淡薄仔無清楚。音樂對一台舊的收音機傳--出來,聲音雖然真大聲,但是袂鑿耳;旋律[(suân-lu̍t)]毋是你愛--我我愛--你的彼種流行歌,嘛毋是古典音樂,嘛無親像是民謠,是伊佮阿公彼首訂情歌――櫻吹雪。曲調非常的優美,聽--起來有一種年久月深的感覺,這个時陣我才發現,這个聲音真熟似,這敢若是......「阿媽!這是......阿公的聲音?」「伊伶!你轉--來--矣!」阿媽越頭對我講。「這是恁阿公唱--的,我用錄音機共伊錄--起來--的。」我猶原踮佇遐,真久無講話。我看著阿媽的一舉一動,雄雄感覺目睭前這个人敢若親像毋是我的阿媽,伊變甲真消瘦落肉,面頂加真濟的皺痕[(jiâu-hûn)],連行路嘛袂在,這時陣我才發覺,我腦海中有關伊的檔案,竟然有幾若年毋捌改變。我的目箍紅,胸坎仔誠疼,我的目屎淹目空,若親像透早天罩雺[(tà-bông)]仝款,予我看袂著面頭前的物件。我拚命欲共目屎吞腹內,毋過猶原是失敗。我趕緊共目屎拭[(tshit)]予焦,去扶阿媽。原來天公伯--仔遐爾殘忍,毋但搶走阮鬥陣的時間,嘛奪走阿媽會當陪我成長的機會。「天烏--矣!」「阿媽你趕緊轉--去!海風搧傷久,對身體無好。」「我閣陪你坐--一下,等--一下就轉--去。」阿媽摸我的手,無閣加講啥物。我感受著伊的溫暖,嘛感受著伊對我的愛佮關心。(二)99年度台語朗讀比賽相關事項:(1)比賽規則及相關說明:http://taiuanbugikausu.pixnet.net/blog/post/318064... 惟為避免此參考資源產生發音單一標準化及參賽者為求得分棄用自己原有腔調等諸多誤解之憾事,並基於尊重本土語言多元發展及保存各地發音特性立場,爾後本朗讀競賽自當回歸由指導老師與選手之努力程度來獲取成績,宜避免優勢腔獨強之情事重現。 據此,99年起全國語文競賽大會決定將不再主動提供臺灣閩南語朗讀文章之參考音檔,各界對文稿內部分詞彙如有疑問,可至教育部國語會《臺灣閩南語常用詞辭典》(http://twblg.dict.edu.tw/tw/index.htm)查詢,點選詞目旁邊的綠色...  Heart  敬上

還有問題?馬上發問,尋求解答。